Shri Hanuman Chalisa

जय हनुमान ज्ञान गुन सागर। जय कपीस तिहुँ लोक उजागर॥

Jai Hanuman Gyan Gun Saagar | Jai Kapis Tihun Lok Ujaagar ||

राम दूत अतुलित बल धामा। अंजनि-पुत्र पवनसुत नामा॥

Ram Doot Atulit Bal Dhaamaa | Anjani-Putr Pavansut Naamaa ||

महाबीर बिक्रम बजरंगी। कुमति निवार सुमति के संगी॥

Mahaabeer Bikram Bajarngee | Kumati Nivaar Sumati Ke Sngee ||

कंचन बरन बिराज सुबेसा। कानन कुंडल कुंचित केसा॥

Kanchan Baran Biraaj Subesaa | Kanan Kundal Kunchit Kesaa ||

संकर सुवन केसरीनंदन। तेज प्रताप महा जग बंदन॥

Snkar Suvan Kesareenndan | Tej Prataap Mahaa Jag Bandan ||

बिद्यावान गुनी अति चातुर। राम काज करिबे को आतुर॥

Bidyaavaan Guni Ati Chaatur | Ram Kaaj Karibe Ko Aatur ||

प्रभु चरित्र सुनिबे को रसिया। राम लखन सीता मन बसिया॥

Prabhu Charitra Sunibe Ko Rasiyaa | Ram Lakhan Sita Man Basiyaa ||

सूक्ष्म रूप धरि सियहिं दिखावा। बिकट रूप धरि लंक जरावा॥

Sukshma Roop Dhari Siyahin Dikhaavaa | Bikat Roop Dhari Lnk Jaraavaa ||

लाय सजीवन लखन जियाये। श्रीरघुबीर हरषि उर लाये॥

Laaye Sanjeevan Lakhan Jiyaaye | Shriraghubeer Harashi Ur Laaye ||

रघुपति कीन्ही बहुत बड़ाई। तुम मम प्रिय भरतहि सम भाई॥

Raghupati Keenhee Bahut Badaai | Tum Mam Priya Bharatahi Sam Bhaai ||

सहस बदन तुम्हरो जस गावैं। अस कहि श्रीपति कंठ लगावैं॥

Sahas Badan Tumharo Jas Gaavain | As Kahi Shripati Kanth Lagaavain ||

सनकादिक ब्रह्मादि मुनीसा। नारद सारद सहित अहीसा॥

Sanakaadik Brahmaadi Muneesaa | Naarad Saarad Sahit Aheesaa ||

तुम उपकार सुग्रीवहिं कीन्हा। राम मिलाय राज पद दीन्हा॥

Tum Upkaar Sugreevahin Keenhaa | Ram Milaay Raaj Pad Deenhaa ||

तुम्हरो मंत्र बिभीषन माना। लंकेस्वर भए सब जग जाना॥

Tumharo Mantra Bibheeshan Maanaa | Lnkesvar Bhae Sab Jag Jaanaa ||

जुग सहस्र जोजन पर भानू। लील्यो ताहि मधुर फल जानू॥

Jug Sahasra Jojan Par Bhaanoo | Leelyo Taahi Madhur Phal Jaanoo ||

प्रभु मुद्रिका मेलि मुख माहीं। जलधि लाँघि गये अचरज नाहीं॥

Prabhu Mudrikaa Meli Mukh Maaheen | Jaladhi Laanghi Gaye Acharaj Naaheen ||

राम दुआरे तुम रखवारे। होत न आज्ञा बिनु पैसारे॥

Ram Duaare Tum Rakhwaare | Hot Na Aagya Binu Paisaare ||

सब सुख लहै तुम्हारी सरना। तुम रक्षक काहू को डर ना॥

Sab Sukh Lahai Tumhaaree Sarnaa | Tum Rakshak Kaahoo Ko Dar Naa ||

आपन तेज सम्हारो आपै। तीनों लोक हाँक तें काँपै॥

Aapan Tej Samhaaro Aapai | Teenon Lok Haank Ten Kaanpai ||

भूत पिसाच निकट नहिं आवै। महाबीर जब नाम सुनावै॥

Bhoot Pisaach Nikat Nahin Aavai | Mahaabeer Jab Naam Sunaavai ||

संकट तें हनुमान छुड़ावै। मन क्रम बचन ध्यान जो लावै॥

Sankat Ten Hanuman Chhudaavai | Man Kram Bachan Dhyaan Jo Laavai ||

सब पर राम तपस्वी राजा। तिन के काज सकल तुम साजा॥

Sab Par Ram Tapaswee Raajaa | Tin Ke Kaaj Sakal Tum Saajaa ||

और मनोरथ जो कोई लावै। सोइ अमित जीवन फल पावै॥

Aur Manorath Jo Koee Laavai | Soi Amit Jeevan Phal Paavai ||

चारों जुग परताप तुम्हारा। है परसिद्ध जगत उजियारा॥

Chaaron Jug Partaap Tumhaaraa | Hai Parsiddh Jagat Ujiyaaraa ||

अष्ट सिद्धि नौ निधि के दाता। अस बर दीन जानकी माता॥

Ashta Siddhi Nau Nidhi Ke Daataa | As Bar Deen Jaanaki Maataa ||

राम रसायन तुम्हरे पासा। सदा रहो रघुपति के दासा॥

Ram Rasaayan Tumhre Paasaa | Sadaa Raho Raghupati Ke Daasaa ||

तुम्हरे भजन राम को पावै। जनम जनम के दुख बिसरावै॥

Tumhre Bhajan Ram Ko Paavai | Janam Janam Ke Dukh Bisraavai ||

अंत काल रघुबर पुर जाई। जहाँ जन्म हरि-भक्त कहाई॥

Ant Kaal Raghubar Pur Jaaee | Jahaan Janma Hari-Bhakta Kahaaee ||

संकट कटै मिटै सब पीरा। जो सुमिरै हनुमत बलबीरा॥

Sankat Katai Mitai Sab Peeraa | Jo Sumirai Hanumat Balbeeraa ||

जै जै जै हनुमान गोसाईं। कृपा करहु गुरुदेव की नाईं॥

Jai Jai Jai Hanuman Gosaaee | Kripaa Karahu Gurudev Kee Naaee ||

जो सत बार पाठ कर कोई। छूटहि बंदि महा सुख होई॥

Jo Sat Baar Paath Kar Koee | Chhootahi Bandi Mahaa Sukh Hoee ||

जो यह पढ़ै हनुमान चलीसा। होय सिद्धि साखी गौरीसा॥

Jo Yah Padha़ai Hanuman Chaleesaa | Hoya Siddhi Saakhee Gaurisaa ||